MA Rheolaeth & MA Rheolaeth (Treftadaeth)

Ffôn Ysgol Cyfrifiaduro, Busnes a Thwristiaeth

Oes gennych ddiddordeb i ddilyn gyrfa mewn Rheolaeth? Ydych chi am ddringo’r ysgol i ddatblygu eich proffesiwn? Efallai mai gradd meistr mewn Rheolaeth yw’r man cychwyn ac mae’r Ysgol yn cynnig dwy raglen feistr newydd i ddechrau ym mis Hydref 2008:

MA Rheolaeth
MA Rheolaeth (Treftadaeth)

Mae’r cyrsiau yn anelu at ddatblygu sgiliau graddedigion a phobl yn y gweithle sy’n edrych i ymestyn eu gyrfa. Bydd y cyrsiau yn cynnig ystod eang o sgiliau ymarferol sy’n angenrheidiol i ddatblygiad gyrfa yn y byd gwaith heddiw. Bydd cyfuniad o sgiliau rheolaeth ymarferol a gwybodaeth academaidd gyfoes yn rhoi mwy o gyfleoedd i raddedigion a chyflogwyr presennol i ehangu eu gyrfa yn lleol, yn genedlaethol ac yn rhyngwladol.

Modiwlau Nodweddiadol

Rheolaeth ac Arweinyddiaeth
Marchnata
Rheolaeth Gyllidol
Rheolaeth Strategol
Rheolaeth Adnoddau Dynol
eFasnach

Manyleb Rhaglen

Amcanion Addysgol

Laptop Prif amcanion addysgol y rhaglen yw:

gwella sgiliau dysgu gydol oes a datblygu proffesiynol er mwyn galluogi myfyrwyr i arddangos hunangyfeiriad a gwreiddioldeb wrth weithio a chyfrannu at fusnes a chymdeithas yn gyffredinol;
galluogi myfyrwyr i wneud astudiaeth uwch o sefydliadau, eu dulliau rheoli a’r cyd-destun allanol newidiol maent yn gweithredu ynddo;
datblygu gallu myfyrwyr i gymhwyso gwybodaeth a dealltwriaeth o fusnes a rheolaeth at faterion cymhleth, yn systematig ac yn greadigol, i wella arferion busnes a rheolaeth;
gwella sgiliau trosglwyddadwy myfyrwyr sef ymchwilio, dehongli a gwerthuso’n feirniadol a’u gallu i weithredu damcaniaeth yn ymarferol;
datblygu sgiliau deallusol myfyrwyr, gan gynnwys rhesymu beirniadol, dadansoddi, creadigrwydd ac adfyfyrio;
paratoi myfyrwyr ar gyfer gyrfa neu ddatblygu gyrfa ym myd busnes a rheolaeth trwy feithrin sgiliau proffesiynol;
paratoi myfyrwyr ar gyfer ymchwil neu astudiaeth bellach ym maes busnes a rheolaeth;
datblygu gwybodaeth a sgiliau ar lefel meistr mewn pynciau busnes a rheolaeth i wella cyflogadwyedd myfyrwyr a’u defnydd o’u disgyblaeth gyntaf.

Deilliannau’r Rhaglen

Gwybodaeth a Dealltwriaeth

Gwybodaeth a dealltwriaeth berthnasol o sefydliadau, eu hamrywiaeth a’r cyd-destun allanol maent yn gweithredu ynddo a’r modd y cânt eu rheoli.
Prosesau, gweithdrefnau ac arferion ar gyfer arwain a rheoli sefydliadau’n effeithiol.
Rheoli ac ymateb i newid ac ystyried dyfodol sefydliadau a’r cyd-destunau allanol maent yn gweithredu ynddynt.
Cydgysylltiadau a chydberthnasau rhwng swyddogaethau rheoli, gwneud penderfyniadau a’r cyd-destun allanol.
Swyddogaethau, diwylliannau, dibenion, strwythurau ac ymddygiad sefydliadau.
Yr amgylchedd allanol a’i effeithiau yn lleol, yn genedlaethol ac yn rhanbarthol ar strategaeth, ymddygiad, rheolaeth a chynaliadwyedd sefydliadau.
Rheoli materion cyfoes sy’n berthnasol i gyd-destunau mewnol ac allanol.
Cymhwyso’n feirniadol fodelau, fframweithiau, damcaniaethau a thechnegau i hybu arferion rheoli.
Cyfathrebu a thechnoleg gwybodaeth (CTG) – dealltwriaeth a defnydd o CTG perthnasol i’w gymhwyso i fyd busnes a rheolaeth.
Arloesi busnes, creadigrwydd a datblygu mentrau.

Sgiliau Gwybyddol

Gallu meddwl yn feirniadol a bod yn greadigol: rheoli’u prosesau creadigol eu hunain ac eiddo pobl eraill; trefnu syniadau, eu dadansoddi, eu syntheseiddio a’u harfarnu’n greadigol. Mae hyn yn cynnwys y gallu i adnabod rhagdybiaethau, gwerthuso datganiadau o ran tystiolaeth, canfod rhesymeg neu ymresymiad ffug, adnabod gwerthoedd ymhlyg, diffinio termau’n ddigonol a chyffredinoli’n briodol.
Gallu datrys problemau cymhleth a gwneud penderfyniadau: pennu meini prawf, defnyddio technegau penderfynu priodol yn cynnwys adnabod, fformiwleiddio a datrys problemau busnes; a’r gallu i greu, adnabod a gwerthuso opsiynau; y gallu i weithredu ac adolygu penderfyniadau.
Y gallu i gynnal ymchwil i faterion busnes a rheoli naill ai’n unigol neu fel rhan o dîm trwy gynllunio ymchwil, casglu data, dadansoddi, syntheseiddio ac adrodd.
Defnyddio gwybodaeth yn effeithiol: sganio a threfnu data, syntheseiddio a dadansoddi er mwyn echdynnu ystyr o wybodaeth a rhannu gwybodaeth.

Sgiliau Ymarferol

Perfformio’n effeithiol o fewn timau a’r gallu i adnabod a defnyddio cyfraniadau unigolion mewn prosesau grŵp, a thrafod a pherswadio neu ddylanwadu ar eraill; dewis tîm, dirprwyo, datblygu a rheoli.
Arweinyddiaeth a rheoli perfformiad: dewis arddull arwain briodol ar gyfer sefyllfaoedd gwahanol; gosod targedau, cymell, monitro perfformiad, hyfforddi a mentora.
Y gallu i adnabod a mynd i’r afael â phenblethau moesegol a materion cyfrifoldeb cymdeithasol corfforaethol, cymhwyso gwerthoedd moesegol a sefydliadol i sefyllfaoedd a dewisiadau.

Sgiliau Trosglwyddadwy

Sgiliau rhifedd a sgiliau meintiol gan gynnwys datblygu a defnyddio modelau busnes perthnasol.
Defnydd effeithiol o Gyfathrebu a Thechnoleg Gwybodaeth.
Cyfathrebu dwyffordd effeithiol: gwrando, mynegi syniadau a dadleuon cymhleth yn effeithiol ar lafar ac ar bapur, defnyddio ystod o gyfryngau, yn cynnwys paratoi adroddiadau busnes.
Effeithiolrwydd personol sylweddol: hunanymwybyddiaeth feirniadol, hunan adfyfyrdod a hunan reolaeth; sensitifrwydd i amrywiaeth mewn pobl a gwahanol sefyllfaoedd a’r gallu i barhau i ddysgu trwy adfyfyrio ar arfer a phrofiad.

Ffïoedd

Adolygir y ffioedd yn flynyddol - cysylltwch â ni am wybodaeth.

Cysylltwch â

Mr Glyn Howells
Ffôn: (01267) 676787
E-bost: g.howells@drindod.ac.uk

Canllaw yw'r wybodaeth hon. Cysylltwch â ni i drafod y cwrs.